"ضربة الشمس او ال heat stroke "

في الحرارة العالية اللي بنتعرضلها الأيام دي سهل حد يجيله ضربة شمس و دي حالة طارئة و لازم تعرف تتعامل معاها ازاي !

أولاً ايه ضربة الشمس و ايه اعراضها ؟
إن شخص درجة حرارته اكتر من 40 درجة و الجسم مش قادر ينزلها ، و هيبقي عنده صداع ونبضه و تنفسه زايد و مش بيعرق و دايخ و ممكن يفقد الوعي ..

و دي حالة طارئة لأن الحرارة العالية للجسم خطر علي الأعضاء الداخلية للجسم و المخ و ممكن تؤدي لتلف المخ و الاعضاء و الوفاة ..

ازاي تتصرف مع حد عنده ضربة شمس واقع قدامك؟
1-كلم الاسعاف
1-حطه في مكان ظل( لوتقدر مكان مكيف) و نيمه و ارفع رجله.
3-لو مش فاقد الوعي و دايخ فقط ممكن تشربه اي سوائل باردة.
2-حط علي جسمه مياه باردة ب سفنجة و اعمل faning (هويله يعني).
3-حط أكياس تلج تحت الابط او علي الرقبة (فيهم اوعية دموية كتير فتنزل الحرارة اسرع) .

الأشخاص المعرضة للإصابة بضربة الشمس هي الأشخاص اللي مش بتشرب مياه كتير و بتتعرض لشمس مدة طويلة مع إجهاد ..
و كبار السن فوق 60 و الاطفال اقل من 5 سنين .

ازاي تحمي نفسك ؟
1-على طول انزل بزجاجة مياه
2-حاول تلبس نضارة شمس أو اي Cap
3-حاول متنزلش في الفترة من 12-3 إلا لو شئ ضروري و حاول متتعرضش لإجهاد كبير في الشمس